اختبارات أونلاينالمنح التعليميةتعليم

كيف تحصل على كورسات مجانية من منصة كورسيرا Courseraa

الصديق الأكاديمي Abdulmalek Hinnawi مشكوراً يقدم نصيحة أكاديمية لكم عن منصة Courseraa في كيفية الحصول على إعفاء من الرسوم المتعلقة بالكورسات و الشهادات المتاحة على تلك المنصة من خلال تجربته الناجحة!
===================================================
موقع Coursera من اهم منصات التعليم الإلكترونية MOOC Massive Open Online Courses
بيقدم سلسلة من الكورسات من اهم الجامعات عالميا بمختلف المجالات ويلي بيميز المنصة انو بتقدم “دعم مالي ” لاي شخص محتاج بحيث يحصل على شهادة الاتمام مجانا بعد تسليم جميع الوظائف (مع العلم فيك تشترك بالكورس بدون ما تدفع بس ما فيك تاخد الشهادة)
صورة 2 :
طلب الدعم المالي موجود تحت زر Enroll
صورة 3:
بهي الصفحة لازم تعبي بياناتك
بالخانة الاولى بتحط دخلك بالدولار
اذا كنت طالب بدون مردود حط 0
بالخانة الثانية مطلوب تحط البلد … سوريا غير موجودة بالبلدان وبعد ما سالت على الموقع ردوا : “ممكن تحط اي بلد بدال سوريا “.
بس انا بفضل اذا بتذكر مرة تانية بالفورم انك من سوريا
ببافي الفورم لازم تحكي حاجتك المالية وحاجتك لهاد الكورس وكيف ممكن يفيدك وشو ممكن تساهم بعد ما تخلص الكورس
لازم تكون صريح ومافي داعي بكل الاحوال للمبالغة :3
سواء كنت لاجى حاليا بشي بلد او كنت طالب لسعتك بسوريا احكي وضعك ببساطة
إذا تم قبولك بالمنحة بينقلك لمجموعة خطوات تأكد فيها هويتك
وبيطلب منك تصور ورقة رسمية (هوية شخصية أو جواز سفر أو شهادة سواقة)
بعد بيطلب منك تتصور على webcam مشان كل مرة تسلم وظيفة يتاكد من هويتك
ملاحظة مهمة جدا :
التزامك بالكورس مهم جدا لأن اهمالك بتسليم الوظائف رح يحرمك من فرصة الدعم المالي بالمرات اللاحقة.

الوسوم

اترك تعليقاً

إغلاق